Contoh Naskah Ludruk- Tak lamar karo biskuit

                Surti mlayu melbu omah. Raine ditutupi soale mari nangis. Nang mburine Yati meloki

Mak       : lho, lho.. lapo arek iku? Heh! Lapo Surti iku?

Yati        : biasa, arek enom. Mari putus karo Parman.

Mak       : opo? Parman tukang soto seng duwe bojo 5 iku?

Yati        : 10 kok! Eh 11 seh. 12 paling. Tapi duduk Parman seng iku.

Mak       : oalah. Ngageti ae. Wes ndang moleh. Doleki mbokmu, dikongkon mijeti pakmu

Yati        : iyo, iyo. Assalamualaikum.

Mak       : waalaikumsalam.

                Sakwise Yati ngaleh, onok tukang biskuit lewat.

Tejo       : biskuit biskuit!

Mak       : nduk! Ga tuku biskuit ta?

Surti      : yoo. ( mlayu nang ngarep)

                  Lho, kok bedo?

Tejo       : bedo opone ning? Oalah. Aku encen wong anyar nang kene.

Surti      : pantes rodok ehm! (isin-isin)

Tejo       : tumbas biskuit seng ndi ning?

Surti      : seng iku (rodok ngalem). Piro sing iki?

Tejo       : njaluk piro se ning? 5000 ae wes

Surti      : aku duwe mek 10000 e.

Tejo       :  yo tambah susuk se ning.

Surti      : oh iyo. Aduh, isin aku. Matur suwun. (mlayu melbu omah)

Mak       : lho, lho. Mari galau ngguyu-ngguyu mari lapo iku maeng?

Surti      : mari ketiban duren

Mak       : lho, kok ga mati? Opo koen arwahe? Settt!!!

Surti      : hhhiiiii!!!! Meden-medeni Make

Mak       : astagfirullah hal adzim.

                Sesuke Tejo karo Surti ketemu nag kampus.

Tejo + Surti         : koyok tau tumon!

Tejo                       : he koen ngerti arek iku a?

Adi                         : sopo? (Ingak inguk) oalah, Surti kembang deso iku ta?

Tejo                       : iyo paling. Ayu tenan Di!

Adi                                         : he? Koen bakul biskuit wani seneng anake Bu Kades? Bu Kades iku matre Jo! Koen duwe  opo?

Tejo                       : aku duwe cinta!

Adi                         : 2014 bondo tresno! Ga payuu!

Yati                                        : hayo, ngomongno Surti ya? Aku yo setuju nek koen karo Surti, karo aku yo gapopo, (karo isin-isin) Surti iku mari pedot karo pacare

Tejo                       : haa.. yo kesempatan apik iku!

Surti                      : Yati, ayo nang kantin. Lho, mas iki lak seng wingi se?

Tejo                       : iyo ning, aku Jojo, seng dodolan biskuit wingi

Adi                         : jeneng tejo ae ngaku jojo

Yati                        : yo wes ayo nang kantin bareng bareng ae

                Nang ndi-ndi Tejo mikirno Surti, sampe nang jamban barang. Pas ndodok nang jamban Tejo nemu emas-emas kintir.

Tejo       : wih, opo iki? Koyok emas. Bekne yo iso didol, lak lumayan gawe nglamar Surti. (ngumbah ambek ngusap-ngusap botol emas sing ditemu)

Jon         : lapo koen arek enom?

Tejo       : wih, sopo koen? Kate ngintip aku yo?

Jon         : sepurane cak, ga napsu aku ambek koen. Aku iki Jon.

Tejo       : oalah.. koen jin sing iso ngekeki 3 panjalukane wong iku ta?

Jon         : duduk! Aku Jon, aku mek iso ngekeki 1 panjalukanmu.

Tejo       : medit merkedit mati njentit! Aku njaluk 100 panjalukan!

Jon         : kandani aku Jon, dulure Jin. Aku isone 1. Yowes tak keki 2! Ndang, koen njaluk opo? Aku gupuh kate rapat iki!

Tejo       : halah, gaya. Ojok medit-medit lah! Siji ae lho! Aku njaluk biskuit sing paling enak kanggo nglamar Surti.

Jon         : yowes ngko jupuken nang slorokan CD.mu!

Nang omahe Surti

Yati        : iku lho Mak pacar anyare Surti

Mak       : opo? Arek iku? Bakul biskuit iku? Gak, ga oleh. Kuru engko awakmu! Ben dino dipakani biskuit. Tapi jek Alhamdulillah timbang tukang ember.

Tejo       : assalamualaikum!

Yati        : waaaikumsalam. Surti jek nang njero cak!

Surti      : eh, Kang Mas Jojo! Wes suwe ta nang kene? Wes ayo budhal!

Mak       : heh! Kate nang ndi iku?

Tejo       : bade kencan, Mak!(nyalami Mak)

Mak       : hiihhhh… (narik tangane).Surti, ojok pacaran karo tukang biskuit iki!

                Tejo iling nek tejo duwe biskuit eunak teko jin sing ditemoni. Tapi tejo bingung piye carane Mak gelem mangan biskuit iku maeng. Tejo mbisiki Yati cek nginjak sikile Mak.

Mak       : Aaaaa!!!!(langsung dijejeli biskuit karo Tejo)

Tejo       : kabuurrrrr!!!!!

Mak       : WOYYYY!!! Eh, tapi ko uenak yo biskuite? Uenake rek..

Yati        : Mak!

Mak       : lapo koen ga ngaleh pisan? (langsung melbu omah)